U Lifestyle

深圳

【深圳紅葉2025】深圳7大落羽杉好去處 地鐵可直達/全新開發/爆紅打卡景點

紅葉季就到啦！😍就算今年無緣去日韓賞楓，深圳都可以打卡秋日限定風景！雖然深圳睇唔到日韓版本嘅楓葉，但係唔少公園都可以睇到火紅色嘅落羽杉景色。每年12月至1月係深圳落羽杉季節，今日小編整理咗深圳各地7個熱門落羽杉好去處，準備出發打卡秋冬專屬浪漫！🍁

-----------------

【Plan行程法寶】輕鬆成為旅行Chill Guy

「Chill Guide旅遊指南」為您整合社群最人氣旅遊攻略！有齊日本、深圳、台灣、澳門、 韓國、泰國、越南等熱門旅遊地區嘅行程懶人包，包括熱門同隱世吃喝玩樂行程，無論您係J人定P人都可以chill住玩！

按此參考行程plan

-----------------

🍁羅湖區落羽杉好去處｜ 1️⃣ 仙湖植物園

去深圳打卡落羽杉，其中一個熱門景點一定係「仙湖植物園」！位於羅湖區東郊，係國家4A級旅遊景區！每年秋冬季，公園就會搖身一變成為金黃火紅嘅落羽杉步道。園內分別有約20個景區，園區面積大到需要搭園內巴士穿梭唔同區域。其中落羽杉主要集中喺｢水生園｣同「玉帶橋」一帶，仲有機會影到湖中倒影絕景！自然靚景甚至有「深圳版瑞士」之稱，想喺深圳打卡最靚嘅秋日景色就唔好錯過啦！

地址：深圳市羅湖區蓮塘街道仙湖社區仙湖路160號

交通方式：仙湖路站下車步行約8分鐘

> 'worldfoodiemap' 同您打卡國家4A級旅遊景區落羽杉景色<

-----------------

🍁羅湖區落羽杉好去處｜ 2️⃣ 深圳洪湖公園

深圳洪湖公園內以大量荷花池聞名，荷花季為當地人氣賞花勝地。一踏入12月，公園隨即化成一條長達2公里嘅夢幻落羽杉林，成為秋冬季限定風景！湖中映照出密集落羽松倒影，令整個公園都俾「落羽杉」徹底包圍！迷人風景配上愜意嘅氛圍，最適合帶同家人、另一半去散心兼打卡！

地址：羅湖區文錦北路2023號

交通方式：洪湖站D出口步行約7分鐘

-----------------

🍁福田區落羽杉好去處｜3️⃣ 蓮花山公園

深圳福田市中心都有絕美落羽杉睇！福田會展中心附近嘅「蓮花山公園」亦都係深圳熱門賞杉景點之一，公園內有廣闊草地同人工湖。每年秋冬，公園內嘅落羽杉會逐漸染上金黃至火紅色，主要集中在蓮花湖同漾日湖一帶。建議黃昏時段去，仲可以捕捉金黃日落映照杉林嘅畫面，出片效果更加靚！

地址：深圳市福田區紅荔路6030號

交通方式：蓮花村站D出口步行5分鐘

> “chinschins” 分享蓮花山公園落羽杉最佳打卡機位<

-----------------

🍁福田區落羽杉好去處｜4️⃣ 深圳荔枝公園

深圳荔枝公園位於福田區，佔地面積達28.8公頃，係深圳其中一個網紅打卡景點。公園內嘅落羽杉色彩豐富多元，有棕啡色、金黃色、紅色，輕鬆打卡古典味十足嘅年度限定風景！雖然公園落羽杉數量相對冇上面提及嘅景點咁密集，但勝在打卡位多。湖邊設有小平台，可以企上去打卡落羽杉與湖倒影嘅美照！

地址：深圳市福田區紅嶺中路1001

交通方式：紅嶺站E出口步行1分鐘

-----------------

🍁南山區區落羽杉好去處｜5️⃣ 四海公園

位於南山區蛇口嘅四海公園有30多年歷史，係當地人休閒嘅熱門好去處。而四海公園嘅落羽松沿湖邊分佈，秋冬季就會有層次地轉為燦爛嘅金色及紅色，同湖面倒影相映，形成如畫般嘅景色！而且公園近年一連串翻新，新增巨石陣、白色玻璃房等打卡位，超適合一家大細休息日前往露營！

地址：深圳市南山區南油公園路6號

交通方式：四海站A出口步行約10分鐘

-----------------

🍁寶安區落羽杉好去處｜6️⃣ 九圍濕地公園

「九圍濕地公園」為深圳新開發嘅公園，現時正在試業中，而且係免費開放。雖然只開放兩公里遊覽範圍，但已經紅遍小紅書！以湖上的杉林棧道聞名，長2公里的湖濱棧道排滿金黃赤紅嘅落羽杉，而且整個公園有約8至9成都係湖上面，輕鬆打卡湖上落羽杉風景。想有儀式感地迎接深圳秋冬季，記得bookmark低啦！

地址：寶安區航城街道九圍生態庫濕地公園

交通方式：鍾屋南站E1出口，出站後叫車前往彩繪路

> 'Krystal' 帶您打卡新開發九圍濕地公園落羽杉打卡位<

-----------------

🍁龍崗區落羽杉好去處｜7️⃣ 紅花嶺公園

深圳龍崗區有一個賞落羽杉嘅秘境公園——「紅花嶺公園」，亦係龍崗區規模最大嘅落羽杉景點。雖然公園位於偏遠地區，交通較唔方便，不過每年秋冬季都會染上一抹金黃色及火紅色，形成一排鮮艷嘅落羽杉林！入口左邊就可以避開上樓梯，直接通往一排排金黃火紅落羽杉嘅打卡點，大晴天仲可以打卡到陽光照射紅色落羽杉如火一樣嘅限定景色，絕對值得專程一去！

地址：深圳市龍崗區清水路

交通方式：南聯地鐵站轉乘的士

> 'Kurochan ♡' 分享深圳龍崗區一日遊玩法<

🔍延伸閱讀

【深圳滑雪場】6大深圳滑雪場推薦 全球最大室內滑雪場/高手新手適用

【深圳自助餐推介】深圳10大高CP值自助餐 當季大閘蟹/任食龍蝦/生蠔

【深圳美食2025】深圳6大人氣麵包店 手信必買貝果/酸種麵包手信/法式糕點

-----------------

✈️招旅遊U Creator | 分享生活賺額外收入📸！

立即登記➡️https://ulapp.hk/mp25i

🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。

-----------------

圖片來源：微博帳戶@創新南山、深圳市城市管理和综合執法局、微信公眾號@美麗寶安、社群U Creator worldfoodiemap 、 chinschins

ULifestyle應用程式 ULifestyleApp 社群 UCreatorHK MOMENTSwithUCreator 打卡 我的打卡地圖 深圳 深圳紅葉 深圳落羽杉 落羽杉 落羽松 深圳打卡 打卡好去處 秋冬限定 落羽杉好去處

閱讀更多